Welkom by "Kiwiboer", die webwerf van Louwrens van der Merwe vir die afgelope 16 jaar. Ek het in 2012, na 10 jaar besluit om die webwerf te staak en dit nie meer by te werk nie. Die webwerf het ongelooflik groot geword en te veel van my tyd in beslag geneem, daarby het immigrasie vanaf SA na NZ 'n ander fase betree en het mense in SA nie meer die soort van hulp en raad wat ek gegee het gesoek of nodig gehad nie. Daar is omtrent niemand meer in SA wie nie 'n vriend of familielid in New Zealand het wie hulle met raad kan help nie en buitendien is Suid-Afrikaners nie geneig om na goeie raad te luister nie..

NB: Moet my asseblief nie kontak vir immigrasieraad nie, want ek is nie 'n gelisensiëerde immigrasiekonsultant nie en mag nie meer immigrasieinligting gee nie.  Kyk asb. in die Afrikaanse Klub van NZ se Nuusbrief "BROKKIES" vir immigrasieagente wie jou kan help. Jy kan die "BROKKIES" kry op die webwerf van die Afrikaanse Klub by http://www.afrikaans.org.nz .

 

NB: (19 Januarie 2018) As jy ernstig Immigrasie na NZ oorweeg wil ek net die volgende onder jou aandag bring (en onthou dis my persoonlike en BAIE subjektiewe siening):

 
1. Huise is onbekostigbaar duur en enige huis in enige stad in NZ onder $500000 is basies 'n krot waarin jy nie wil bly nie en dit is mooi Vyf Miljoen Rand!
 
2. As jy 'n werk aangebied word wat minder as $30 per uur betaal en jy het 'n vrou en kinders gaan jy kom swaar kry hier en sukkel om te lewe. Met twee inkomstes sal julle dit waarskynlik maak, maar een van julle gaan vir 'n laaaaang tyd sonder werk sit voordat n werksvisa deurkom.
 
3. Werk is skaars, al sê jou vriende en familie vir jou WAT! As jy nie reeds 'n ryk professionele persoon soos 'n dokter of tandarts is nie, gaan jy sukkel om op dreef te kom as jy net oppak en kom sonder dat jy reeds 'n werk het. New Zealand staan nie verniet onder Immigrante bekend as die land van "FAKE JOBS AND FALSE PROMISES" nie. ONTHOU ook as jy hier 'n werk of enigiets aangebied word om die aanbod OP SKRIF te kry, want Kiwis maak MAKLIK beloftes wat hulle nie van plan is om na te kom nie. Onder immigrante in NZ is daar 'n sêding "Promises are for you to believe and for them to INGNORE!".
 
4. Salarisse en lone is laag. Dit het nie tred gehou met lewenskoste nie en daarom sê ek dat jy minstens $30/uur moet verdien VAN DIE BEGIN AF om dit net amper te maak. Salarisse word nie maklik aangepas nie en moenie dink as jy $25/uur aangebied word dat jy gou meer gaan verdien nie - dit gebeur nie! Daar is nie bonusse en 13de tjeks nie. 'n GROOT jaarlikse verhoging is gewoonlik in die omgewing van 1%! Moenie dink om van werk te verander gaan jou lot enigsins verbeter nie. In die meeste gevalle betaal alle bedrywe maar dieselfde uurlikse loon om seker te maak arbeidkoste bly dieselfde. Jy is baie gelukkig as jou werksplek 'n jaareindfunksie aanbied. AS hulle 'n jaareindfunksie aanbied moet jy gewoonlik uit jou sak uit daarvoor betaal. Kiwiwerkgewers se idee van 'n jaareindfunksie is gewoonlik 'n paar bakkies hummus of ander "dips" met kraaktjips (waarvan die sakke net oopgeskeur is) by die laaste middag voor Krismis se 4-uur tee, want wees verseker jy sal die laaste dag voor Krismis nog tot 5-uur toe werk!
 
5. Voordat jy NZ toe kom maak seker dat jy vir jou 'n "EXIT PLAN" uitgewerk het as jy dalk moet terug gaan SA toe as dinge nie hier uitwerk nie. MOENIE hierheen kom as jy nie 'n plan het nie, glo my jy gaan spyt wees! Hier gaan BAIE SAners terug en ek weet HOE belangrik 'n "exit plan" is.
 
6. Oorweeg ander immigrasiebestemmings ook (soos Australië) en moenie net op NZ fokus nie. NIEMAND weet waarheen New Zealand oppad is nie. Nie eens die regering nie! Elke paar jaar kom 'n ander party aan bewind en verander dan geheel-en-al die rigting waarin die vorige regering gegaan het en almal is terug by die begin!! Die regering van NZ word meestal maar deur 'n paar kleiner partye aan bewind gehou, met die gevolg dat die stert die hond swaai en dat niks effektief regtig gebeur nie, behalwe dat die eienaardigste wetgewing die lig sien. In die regering en plaaslike regering in NZ is daar BAIE AKTIWITEIT maar bitter MIN PRODUKTIWITEIT.
 
Soos ek sê DINK TWEE KEER voordat jy na NZ kom. Dis 'n pragtige land en redelik veilig om in te bly, maar eintlik is dit 'n Venus vlieëvanger wat jou kan vasvang in 'n kringloop van sukkel en swaarkry.
 
EN ASSEBLIEF....... Voordat al die "Bleeding heart" SAners in NZ met hulle 4x4's, BMs en Mercs vir my skryf en hulle skoonste skirte beskyt oor wat ek gesê het wil ek net vra - "PROVE ME WRONG"!  O' ja en stuur sommer jou telefoonnommer en e-mail adres ook vir my waar nuwe immigrante uit SA jou kan kontak om te hoor waar die wonderlike werke en goedkoop huise is wat jy deur jou rooskleurige brille sien!! Ek het hierdie vraag 16 jaar gelede ook gevra toe ek Kiwiboer begin het en ek het in 16 jaar NIE EEN telefoonnommer of e-mail adres gekry nie, NIE EEN NIE!!
 
BAIE STERKTE en VOORSPOED.

NS:  Ek het 'n nuwe webwerf gebou vir my stokperdjie, brou en stook, en as jy wil kan jy gerus daar 'n draai gaan gooi by 

www.distiller.co.nz .

Groot groete - Louwrens